كيف خدعت أمريكا العالم بالدولار ، قصة الدولارمن البداية حتى عام 2024
ليه اصلا الدول سامحه ان ده يحصل ومش بتقرر تفك الارتباط بين عملتها والدولار وتبقى مستقله بنفسها وعلى الاقل وقتها قيمه العمله مش هتقل ولا تتاثر بالدولار ثانيه بس هو قبل الدولار كنا بنتعامل ازاي لا دي حكايه كبيره تعال نرجع بالزمن ونعرف هو التعامل في البيع والشراء.
سرد تاريخي: كيف أصبح الدولار سيد العملات العالمية.
كان ماشي ازاي قبل الدولار وقبل كل العملات , ايه الحكايه واللي ما تعرفوش بص يا سيدي من بدايه التاريخ واحنا عندنا حركه مستمره لعمليات البيع والشراء لكن قبل ظهور العملات كنا بنعتمد على المقايضه المباشره اللي هو انا عندي شويه سكر وانت عندك شويه شاي ممكن تاخد من عندي السكر وناخد من عندك الشاي وبكده احنا الاتنين نقدر نعمل خربوش شاي ونشرب بروقه.
الموضوع حلو صح لا فلوس ولا حاجه خد بعض مما عندي واعطيني بعض مما عندك والدنيا لذيذه بس رغم ان الطريقه دي فعاله وبسيطه لكن ساعات عمليات البيع والشراء بتتعقد وعشان الانسان يقدر يواكب التغييرات اللي كانت بتحصل مع تقدم المجتمعات قرر يعمل الفلوس.
والفلوس ببساطه كده هي مجرد حاجه اخترعناها هي في الحقيقه ملهاش قيمه او اهميه لكن بتستمد قيمتها من الثقه المتبادله بينك كبشر اول ما الانسان قرر يفكر في الفلوس قرر يلجا لحاجه صعب الحصول عليها زي الذهب والفضه والنحاس اللي مش بنوصل لهم غير بعمليات تعدين شاقه.
وبعد ما بعض الدول قررت تصدر عملات معدنيه بدا البشر يتفقوا على قيمتها انت تديني عملتين ذهب وانا هديك شوال شعير كده يبقى تخلصنا من نظام المقايضه وبقينا معتمدين على العملات.
طيب جميل الموضوع يمشي ويكمل لا اصل تخيل معي لو في تاجر في دوله قرر يشتري طن قمح من دوله تانيه ساعتها هيضطر ياخد قيمه الطن ده ذهب ويسافر به وطبعا مش محتاجه احكي لك عن اللصوص وقطاع الطرق والمشاكل اللي كانت بتقابل التجار في الطرق.
ده غير ان الطريق لو كان امن ومضمون انه مش هيتسرق فكان هيفضل فيه مشكله نقل كميات كبيره من الذهب والفضه خصوصا ان وزنهم تقيل وعمليات النقل كانت لسه بدائيه من هنا ظهر الحل اللي هيحل كل المشاكل دي وهو الفلوس الورقيه.
دلوقتي التاجر هيروح للدوله يقول لها انا معايا كيلو دهب بس خايف اسافر بيه فالدوله تاخد الذهب ده وتدي للتاجر ورق قيمتها كيلو الذهب او نقدر نقول انها بتثبت انه فعلا معك كيلو دهب حاجه كده زي وصل الامانه وبس كده التاجر بقى بيسافر وبيدي للدوله التانيه الورقه اللي معه وبياخد البضاعه.
وبالمناسبه ممكن حد يسرق الورقه دي من التاجر بس برضو ده لا يمنع انها منعت مشاكل كثيره ووفرت مجهود كبير خطوه تبديل الذهب بورقه بقيمته كانت بدايه ثوره حقيقيه في العالم بس كانت بدايه ظهور الفلوس بشكلها اللي احنا نعرفه دلوقتي وهي الفلوس الورقيه.
استراتيجية الدولار: كيف تمكنت أمريكا من الهيمنة الاقتصادية العالمية.
كل دوله بقت بتطبع فلوس وبتديها قيم معينه لكن علشان ده يحصل لازم تكون الدوله عندها احتياطي من الذهب يعني الطباعه مش شغاله عماله على بطال لا في كيلو ذهب يبقى هنطبع فلوس بقيمه الذهب ده يعني لو الجرام بجنيه ده معناه ان اي حد معاه جنيه يقدر يروح للدوله ويقول لها انه عايز جرام ذهب.
وربط الفلوس بالدهب بالشكل ده لنفس السبب اللي خلانا نختار الذهب من الاول في المقايضه وهو ندرته وصعوبه الحصول عليه وبالتالي احنا ضامنين مش هيبقى فيه فلوس كتير بتتطبع من غير حدود وده علشان تمنع التضخم وتفضل الفلوس محتفظه بقيمتها.
بس مع الوقت غيروها من دولار لدولار وبعد كده استعمر الانجليز الولايات المتحده واصدروا عمله معدنيه وسموها دولار وفي سنه 1776 بتنفاصل الولايات المتحده الامريكيه عن بريطانيا ويجي اعلان الاستقلال بعد صراعات وحروب كتير.
وفي نفس الوقت كان في ولايات في امريكا بدات تطبع عملتها الخاصه وتتعامل بيها وفي المقابل كان في دول لسه ماشيه بنظام المقايده او تعاملات تانيه.
وكل ده كانت الاوضاع في امريكا مش مستقره لانها لسه خارجه من الاستعمار لكن في سنه 1785 حصل اجتماع في نيويورك وطلع قرار مهم جدا وهو ان هيكون فيه عمله رسميه للولايات وهي الدولار لكن كان في شويه مشاكل واختلافات استمرت سبع سنين وفي الاخر بدات الدوله تعمل الدولار سنه 1792.
واول شكل له كان معدني وكان في منه ثلاث فئات في دولار ذهبي ودولار فضي ودولار نحاسي وبيتدرجه في القيمه من الاعلى للاقل الدولار بقى اكتسب قوته من امريكا باعتبارها الدوله الاقوى بعد ما معظم الدول القويه انهارت في صراعات وحروب عالميه لا وامريكا نفسها بتستمد قوتها من الدولار.
العمله عملتها والدفاتر دفاترها ابو العيله بس تفتكر امريكا صحيت الصبح قالت لكل الدول يا جماعه هي دي العمله اللي هنعتمدها فالكل قال لها اوكي يلا بينا لا الموضوع وراه محاولات كثيره وحروب وعمليه خداع شملت العالم كله عشان الدولار يوصل لقمه العملات ويبقى العمله اللي الكل يتمنى انه يحصل عليها.
فضل وضع الدولار المعدني مستقر والناس بتتعامل به لمده 70 سنه لكن خلال الوقت ده بدا يظهر دولارات ورقيه والمشكله ان كان كل مصرف بيصدر عملات شكلها مختلف عن المصرف الثاني وساعتها كانت السكك الحديد او الفنادق بتصدر عملات هي كمان وده كان مسهل الدنيا على الاخر للمزورين.
تحليل عميق: دور الدولار في السياسة الاقتصادية العالمية.
كده كده السوق مليان عملات والدنيا متلخبطه والناس كل يومين بتشوف شكل جديد للدولار فليه منطبعش احنا كمان وما حدش هياخد باله مع زياده اشكال الدولارات بشكل جنوني كان في مشكله تانيه جايه في الطريق وهي دخول الولايات المتحده في حرب اهليه طاحنه بين الشمال والجنوب.
واثناء الحرب خافت الولايات في الشمال انها تخسر كل الذهب والفضه اللي عندها وفي سنه 1862 قررت تطبع الدولار الاخضر الورقي وكان بيتم طباعه الدولار باللون الاخضر لصعوبه تزوير وقتها وعلى الرغم من ان ظهور الدولار الموحد حل مشكله العملات الكثيره وده لان الدوله ما بقتش معترفه بحاجه غير الدولار الاخضر.
وكمان حل مشكله الحرب متوفر فلوس للولايات الا ان وقت ظهور الدولار الورقي ما كانش في احتياطي من الذهب بيدعمه هو مجرد ورق لونه اخضر فنقدر نقول ان طباعه الدولارات ما كانش لها حدود ومع الوقت حصل تضخم كان على وشك تدمير الاقتصاد الامريكي كاملا.
لكن في سنه 1879 تم ربط الدولار بالذهب وبقى اي حد معه دولارات يقدر يروح للحكومه ويبدلها بذهب وده ساعه بشكل كبير في تحسين حاله الدولار وزود ثقه الناس فيه وقلل التضخم الحاله الورديه للاقتصاد الامريكي ما استمرتش كتير الوضع كان مستقر بعد ربط الدولار بالدهب لكن في سنه 1929 حصل الكساد الكبير.
ودخل الاقتصاد العالمي كله في حاله ركود مستمره هي الاصعب في التاريخ لكن مع الوقت بدات امريكا تحط حلول اقتصاديه حقيقيه لانقاذ وضعها الاقتصادي ولرفع قيمه الدولار لكن اثناء محاولات امريكا لتحسين الاقتصاد بتاعها واثناء تعافي العالم من الحرب العالميه الاولى.
بيدخل العالم تاني في الحرب العالميه الثانيه سنه 1939 واستمرت الحرب لمده 6 سنين اتغير فيهم شكل العالم وتغيرت موازين القوه خلفت الحرب دمار وفقر وتشرد في العالم كله وكل الدول ما بقتش شايفه حلول ترجعها تعيش بشكل طبيعي تاني وهنا ظهرت امريكا لانقاذ الوضع امريكا كانت هي اقل الدول المتضرره من الحرب العالميه الثانيه.
وكان الاقتصاد بتاعها في حاله كويسه جدا ده غير ان كان عندها 3/4 احتي الذهب بتاع العالم كله غير مليارات الدولارات المطبوعه واللي هتوفر سيوله كبيره جدا في حاله احتياج السوق ليها وهي دي المرحله اللي هيتحول فيها الدولار من مجرد عمله امريكيه لمقياس للاقتصاد العالمي.
اللي حصل يا صديقي كالاتي في 22 يوليو سنه 1944 اتجمعت 44 دوله في غابات بريتون في ولايه نيو هامشر في الولايات المتحده الامريكيه حصل في المؤتمر ده شويه قرارات هي اللي بتتحكم في شكل العالم بتاعنا لحد النهارده امريكا عرضت على بقيه العالم ان الدولار يبقى عمله عالميه رسميه.
وكمان سعر بقيه العملاء في كل الدول هيرتبط بالدولار يعني بدل ما قيمه العمله كانت مرتبطه بالذهب لا احنا هنربطها بالدولار واي حاجه هتاثر في الدولار هتاثر في بقيه العملات وكان الدولار ده هو الشمس وبقيت العملات كواكب بتدور حواليه طيب وايه اللي يخلي الدول تقع في فخ زي ده !!
كشف أسرار: كيف استخدمت أمريكا الدولار كسلاح لتحقيق أهدافها السياسية.
عندك حق كان لازم شويه اغراءات تملا العين عشان يقتنع العالم بخطوه كبيره وخطيره زي دي بدات امريكا بدا الدول العالم بعد تخزن وتجمع الدولار في الخزنه بتاعتها والاقتصاد بدا يتحرك في العالم وكان في سيوله نقديه وكانت كل حاجه ماشيه كويس.
ده غير ان امريكا كانت انشات صندوق النقد الدولي اللي بيوفر دولارات للعالم كله بقوانين معينه بس امريكا هتخدع العالم كله للمره التانيه في حربها مع فيتنام امريكا كانت عايزه تغطي تكاليف الحرب والخسائر اللي تكبدتها طبعت الفلوس اللي هي عايزاها.
وفي الاخر الدولارات الامريكيه اللي بقت موجوده 20% بس منها وده احتياطي دهب والباقي ما لوش قيمه ومطبوع وخلاص بس محدش حسس بحاجه امال ايه بقى اللي كشف السر وكله بان على حقيقته الرئيس الفرنسي شارلي دي جول جه في سنه 1970 وطلب تحويل 191 مليون دولار امريكي للذهب.
طلب بسيط حسب اتفاقيه بريتون وودز اي حد معه دولارات يجيبها وياخد ذهب لكن المفاجاه ان ما فيش ذهب عشان ياخده فضلت امريكا اتماطل وفي دول تانيه شكت في اللي بيحصل زي المانيا ده غير ان الشعب الامريكي نفسه نزل الشوارع يطالب بحقه من الذهب.
وفي سنه 1971 بيطلع الرئيس الامريكي ريتشارد نيكسون بخبر صدم العالم كله لدرجه انه تسمى صدمه نيكسون او نيكسون شوك نيكسون طلع وقال ان الدولار ما بقاش مرتبط بالذهب وصعب امريكا تبدل الدولارات اللي موجوده بالذهب العالم كله عارف انه وقع في خدعه كبيره بسبب امريكا.
وطول الوقت ده امريكا كانت بتطبع شويه ورق وبتشتري بيهم اللي هي عايزاه تفتكر الدول الباقيه هتعمل ايه بعد الصدمه دي هتقطع الدولارات وتشوف عمله جديده لا بعد شويه تفكير معظم دول العالم لقت ان احسن حل يتعمل هو ان الدنيا تفضل ماشيه زي ما هي كده كده.
الدولارات في منها عدد كبير في العالم كله وما فيش دوله تانيه مستعده تكون بديل لامريكا او تقدر تطبع كميه كبيره من الفلوس يعني من الاخر كده يبقى الوضع كما هو عليه لكن مش بالضبط هيبقى كما هو هيحصل تغيير كده هيغير مصير العالم الاقتصادي بيترسون وزير التجاره الامريكي ومعاه الاقتصادي اوفيس فكروا في ربط الدولار بالنفط بدل الذهب.
وبالفعل حصل اتفاق مع الدول المنتجه للنفط اللي هي على ربط الدولار بالمعاملات النفطيه بدل الذهب اللي كان موجود في اتفاقيه قبل كده وبما ان السعوديه وقتها كانت اكبر الدول المنتجه للنفط في امريكا اشترطت ان اي تعامل له علاقه بالنفط يتم بالدولار بس بيع او شراء.
كمان ده غير ان السعوديه هتشيل فلوسها على هيئه سندات في الخزانات الامريكيه في السعوديه وافقت على كل ده لكن اشترطت ان امريكا تقدم الحمايه العسكريه لحقول النفط السعوديه ومن ساعتها وبقت كل تعاملات النفط بالدولار وطبعا دي كانت دافعه قويه جدا للدولار الامريكي.
وفي النهايه صديقي عايز اقول لك ان الوضع ما تغيرش كتير من السبعينات الدولار بيغلى وبيرخص على حسب حركه السوق وزي ما انت شايف في العالم كله الفتره دي بيمر بازمات طاحنه اثرت على كل حاجه ورغم ان في كلام بيتنبا بسقوط الدولار لكن لحد اللحظه اللي بنتكلم فيها دي فهو مستمر زي ازمه 2008 على سبيل المثال انت بقى شايف ايه الحل لكل الازمات الكبيره دي!!